Bourbon Street Jazzband Frenkendorf

IN MISSION FOR DIXIELANDJAZZ
Textfeld: Laudatio Textfeld: Wenn e Musiker mit sinre Band über Johrzähnti usgezeichneti Muusig präsentiert het und es sehr grosses Publikum drmit het chönne begeischtere, denn isch das usserordentlich lobenswärt. Wenn e Musiker si eimol iigschlageni Wäg konsequänt ihalte cha, obwohl är immer wieder wäsentlichi Veränderige in dr Zämmesetzig vo sinre Band het müese bewältige, denn isch das nomol bsunders erwähnenswärt. Wenn e Musiker s‘verstande het, nid eifach mit Halbheite zfriede z‘sii, sondern jewiile erscht an d‘Oeffentlichkeit gange isch, wenn gnügend Ufwand an Probe und Vorbereitige bewältigt gsi si, denn mues me ihm das ganz bsunders aarächne. Wenn e Musiker sim eimol gwählte Musikstil über Johre het chönne treu bliibe, gege villi unterschiedlichi Widerständ, denn chame nid anderscht, als vor ihm dr Huet lüpfe. Wenn e Musiker sini bim Musiziere agwändeti Beharrlichkeit au no konsequänt treu bliebt, nachdäm är mit musiziere ufghört het, nämlich bim erarbeite vo mene usserordentliche Buech über die ganzi Gschicht vom vorusgangene Musiziere, denn mues me dere Person e ganz bsundere Struss winde. Wenn me imne Musiker sogar zuegstoh mues, dass är mit sim ganze Wirke ä guete Teil vom Kulturläbe vo sinere Wohngmein und der wittere Region prägt het, denn mues me eifach sägä, grossartig. Und wenn die gnennte Eigeschafte und Fähigkeite uf ei Person zueträffe, chas nid anderscht sii: dere Person ghört dr Förder– und Anerkennigspriis vo dr Bürgergmein Fränkedorf. Und die Person isch das Johr: Posunischt, Bandleader vo dr Bourbon-Street-Jazzband Fränkedorf und Verfasser vom Buech «Chronik einer Amateurjazzband»: dr Marcel Langel Härzligi Gratulation. Kurt Schaub Frenkendorf

Laudatio zugunsten Marcel Langel
Anlässlich Übergabe Förder– und Anerkennungspreis
 der Bürgergemeinde Frenkendorf 3. 12. 2009

zum Dokument-Download >